- 15 Jan, 2024
- 0 Comments
- 0 Secs Read
എംബിബിഎസ് ഒന്നാം വർഷം: പരീക്ഷ പാസാകാൻ 2020-21 ബാച്ചിന് ഒരവസരം കൂടി ലഭിച്ചേക്കും
എംബിബിഎസ് ഒന്നാംവർഷ പരീക്ഷ പാസാകാൻ 2020-21 ബാച്ച് വിദ്യാർഥികൾക്ക് ഒരവസരം കൂടി അധികമായി അനുവദിച്ചേക്കും. നിലവിൽ പരമാവധി 4 അവസരമാണു നൽകുന്നത്. എന്നാൽ, കോവിഡ് പ്രതിസന്ധി രൂക്ഷമായിരുന്ന സമയത്താണു വിദ്യാർഥികൾ പ്രവേശനം നേടിയതെന്നും ഈ സാഹചര്യത്തിൽ ഇവർക്ക് അധികമായി ഒരവസരം കൂടി നൽകണമെന്നും കഴിഞ്ഞ എൻഎംസി കൗൺസിൽ യോഗത്തിൽ കേരള ആരോഗ്യ സർവകലാശാല വൈസ് ചാൻസലർ ഡോ. മോഹനൻ കുന്നുമ്മൽ ഉൾപ്പെടെയുള്ളവർ ആവശ്യപ്പെട്ടിരുന്നു. എൻഎംസിയുടെ യുജി മെഡിക്കൽ എജ്യുക്കേഷൻ ബോർഡ് ഇക്കാര്യത്തിൽ ഉടൻ അന്തിമ തീരുമാനമെടുക്കുമെന്നാണു വിവരം.