- 20 Jan, 2024
- 0 Comments
- 6 Secs Read
സെൻട്രൽ സെക്ടർ സ്കോളർഷിപ്പ്: 31 വരെ അപേക്ഷിക്കാം
കേന്ദ്ര മാനവവിഭവശേഷിമന്ത്രാലയം കോളേജ്/സർവകലാശാല വിദ്യാർഥികൾക്ക് അനുവദിക്കുന്ന 2023-’24 അധ്യയനവർഷത്തെ സെൻട്രൽ സെക്ടർ സ്കോളർഷിപ്പിന്‌ (ഫ്രഷ്/റിന്യൂവൽ)ഓൺലൈനായി അപേക്ഷിക്കുന്നതിനുള്ള തീയതി ജനുവരി 31 വരെ നീട്ടിയോഗ്യത: കേരള സ്റ്റേറ്റ് ഹയർസെക്കൻഡറി/വൊക്കേഷണൽ ഹയർസെക്കൻഡറി ബോർഡുകൾ നടത്തിയ 2023-ലെ 12-ാം ക്ലാസ് പരീക്ഷയിൽ 80 ശതമാനം കൂടുതൽ മാർക്കുവാങ്ങി വിജയിച്ചവരുംഏതെങ്കിലും റെഗുലർ ബിരുദകോഴ്സിന് ഒന്നാംവർഷം ചേർന്നവരുമായിരിക്കണം. കറസ്പോണ്ടൻസ് കോഴ്സിനോ ഡിസ്റ്റൻസ് കോഴ്സിനോ ഡിപ്ലോമ കോഴ്സിനോ ചേർന്നവർക്ക് അപേക്ഷിക്കാൻകഴിയില്ല. പ്രായം: 18-നും 25-നും ഇടയിൽ. നാഷണൽ സ്കോളർഷിപ്പ് പോർട്ടലായ www.scholarship.gov.in വഴി ഫ്രെഷ്/റിന്യൂവൽ അപേക്ഷിക്കാം. സ്ഥാപനങ്ങൾക്ക് അപേക്ഷ പരിശോധിക്കാനുള്ള അവസാന തീയതി ഫെബ്രുവരി 15. വിവരങ്ങൾക്ക്: www.collegiateedu.kerala.gov.in | www.dcescholarship.kerala.gov.in | 9447096580 | centralsectorscholarship@gmail.com